Il-kbarat għal xejn b’xejn jagħmlu għalija, * imma minn kelmtek tibża’ qalbi. Ferħan jien minħabba l-wegħda tiegħek, * bħal min isib xi priża kbira.
Il-qerq nobogħdu u nistkerrhu, * imma l-liġi tiegħek inħobbha. Seba’ darbiet kuljum infaħħrek * għad-digrieti ġusti tiegħek.
Sliem bil-bosta għal min iħobb il-liġi tiegħek; * ma hemm ebda tfixkil għalihom. Nistenna s-salvazzjoni tiegħek, Mulej; * u nħares il-kmandamenti tiegħek.
Ruħi tħares il-preċetti tiegħek; * u jiena nħobbhom ħafna. Inħares il-preċetti u l-kmandamenti tiegħek; * quddiem għajnejk l-imġiba tiegħi kollha.
Glorja.
Ant. 1: Hemm sliem bil-kotra għal min iħobb il-liġi tiegħek, Mulej.
Ant. 2: Il-ġemgħa kbira ta’ dawk li emmnu kienu ruħ waħda u qalb waħda.
Kompli itlob billi żżur is-Salmi tal-ġurnata fuq https://brevjar
