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
Il-Ħames Riflessjoni dwar il-pitturi ta’ Michele Bellanti fil-Knisja tal-Lunzjata, l-Imdina
Imbagħad qam qisu nar Elija, il-profeta,
u kelmtu kienet taqbad bħal ħuġġieġa.
Hu ġieb fuqhom il-ġuħ,
u fil-ħeġġa tiegħu ċekkinhom fl-għadd.
B’kelmet il-Mulej għalaq is-smewwiet,
u tliet darbiet niżżel ukoll in-nar.
Kemm kont imsebbaħ, Elija, f’għeġubijietek!
U min jista’ jiftaħar daqsek?
Kont meħud f’riefnu tan-nar
f’karru bi żwiemel tan-nar.
Int, li kien miktub għalik, li kellek iċċanfar għal żmien,
biex tberred għadab Alla qabel ma jħeġġeġ,
biex iddawwar qalb il-missier lejn ibnu,
u biex terġa’ tqajjem tribujiet Ġakobb.
Imberkin dawk li jarawk
u dawk li raqdu fl-imħabba
Bin Sirak 48, 1-4.9-11
Mix-xena pjuttost trankwilla tal-għoti tal-labtu mill-Madonna lil San Xmun Stock ngħaddu għax-xena pjuttost movimentata li fiha l-istess artist jirrappreżenta lil Elija jittella’ s-sema fir-riefnu. L-Ordni Karmelitan huwa wieħed mill-ftit ordnijiet, jekk mhux l-uniku, li jsib l-għeruq tiegħu mhux f’xi fundatur kariżmatiku imma fi profeta tat-Testment il-Qadim: Elija, li hu meqjus bħala l-missier spiritwali tal-ordni.
It-tradizzjoni turina li fuq l-Għolja tal-Karmel kien hemm sensiela ta’ eremiti Lhud u mbagħad Insara li kienu jgħixu fl-għerien ta’ din l-għolja f’ħajja ta’ talb u studju, f’post tant marbut mal-ġrajja tal-Profeta Elija li nsibu fl-Ewwel Ktieb tas-Slaten. Jidher li fil-bidu tas-seklu tlettax dawn l-irhieb talbu li jingħataw regola u bnew ukoll kappella dddedikata lil Marija, Kewkba tal-Baħar. Kienet din il-knisja li ssiġillat ir-rabta tal-Ordni ma’ Marija.
Id-drammatiċità tal-opra ta’ Bellanti tinkwadra dak li nsibu fit-tieni kapitlu tat-Tieni Ktieb tas-Slaten, li jagħlaq iċ-ċiklu narrattiv ta’ Elija sabiex jiftaħ dak ta’ Eliżew, mhux iktar bħala qaddej tal-profeta imma bħala profeta hu stess. Hawnhekk Bellanti mhuwiex għal kollox fidil għar-rakkont bibliku li jitkellem dwar “karru tan-nar bi żwiemel tan-nar” (2 Slat 2, 11). Minflok Bellanti jpitter karru tad-deheb miġbud minn erba’ żwiemel bojod li bħal donnu hu merfugħ ’il fuq minn sħaba—li probabbilment tirrappreżenta r-riefnu li miegħu tela’ Elija.
X’sar minn Elija mhuwiex speċifikat. Mattatija l-Makkabi, fl-aħħar diskors tiegħu lil uliedu, jgħid li “Elija, minħabba l-ħeġġa tiegħu għal-Liġi, kien meħud fis-sema” (1 Mak 2, 58). Imma żgur li maż-żmien Elija sar figura ċentrali fl-iżvilupp tal-ħsieb messjaniku, hekk li l-profezija ta’ Malakija—“Ara, jiena nibagħtilkom ’l Elija l-profeta qabel ma jasal Jum il-Mulej u Jum il-biża’” (Mal 3, 23)—wasslet għall-idea li l-miġja tal-Messija se tiġi antiċipata mir-ritorn ta’ Elija. Dan il-ħsieb jaddottah ukoll Ġesù li jara ’l Elija fi Ġwanni l-Battista (ara Mt 17, 10-13).
Għalkemm Bellanti bħal donnu jinjora l-qawwa profetika ta’ Elija mfissra bin-nar, żgur li jagħmel tajjeb għal dan permezz tad-dija ta’ dak il-karru, bħal donnha d-dija u l-bjuda tat-Trasfigurazzjoni. B’mod personali, barra l-qawwa profetika u t-trasparenza li jeħtieġ li jikkaratterizzaw ħajja Nisranija awtentika, jalla l-ħarsa ta’ Elija fissa ’l fuq u l-ispirtu tiegħu bħal nar iħeġġeġ ikebbsu lilna wkoll sabiex inħallu lill-Mulej jibdilna minn glorja għal glorja sakemm naslu għandu (ara 2 Kor 3, 18).
