Debħa Maltija

Bil-qamħa Maltija, Kristu ħanin,
Biha jrejjaqna, lilna l-bnedmin,
Bl-għenba Maltija, Kristu jrid,
Jagħtina demmu, kalċi bl-inbid.

L-idejn qaddisa, tas-saċerdot,
Waqt il-quddiesa, l-ispeċi jrodd,
Lil ħanin Alla, lilna jrodd
Is-sagrifiċċju, t’għasir il-frott.

Il-ħajja tagħna, tkun bħall-artal;
B’qalbna nadifa, mill-ġieħ battal,
L-offerta nsiru, bil-mod il-mod.
Tintlaqa’ minnek, kbir Saċerdot.

Żminijiet:

Tindaqq f’ħinijiet partikolari: Offertorju