Kif jista’ żagħżugħ jimxi safi fi triqtu?

 

Talb ta’ nofs il-jum, l-Erbgħa 25 ta’ Frar 2026

Salm 118 (119):9-16

II (Bet) 

Kif jista’ żagħżugħ jimxi safi fi triqtu? *
Billi jħares il-kelma tiegħek.
B’qalbi kollha jiena nfittxek; *
tħallinix nitbiegħed mill-kmandamenti tiegħek. 

Jien żammejt kelmtek f’qalbi, *
biex ma nidneb qatt kontrik.
Imbierek int, Mulej! *
Għallimni l-kmandamenti tiegħek. 

B’xufftejja jiena nxandar *
id-digrieti kollha ta’ fommok.
Nifraħ fit-triq tal-preċetti tiegħek, *
daqs kieku kelli l-għana kollu. 

Fuq il-preċetti tiegħek irrid naħseb, *
u nżomm għajnejja fuq triqatek.
Bil-kmandamenti tiegħek irrid nitgħaxxaq, *
qatt ma ninsa l-kelma tiegħek. 

Glorja.

 

Ara salmi oħra