Int nissilt l-hena f’qalbi

 

Kompieta, l-Erbgħa 22 ta’ Diċembru 2025

Salm 4

Radd ta’ ħajr
Il-Mulej wera tjieba kbira ma’ dawk li hu qajjem mill-imwiet. (S. Wistin) 

Weġibni meta nsejjaħlek, *
Alla tal-ġustizzja tiegħi;
oħroġni fil-wisa’ meta nkun imdejjaq, *
ħenn għalija u isma’ talbi. 

Intom, bnedmin, kemm se ddumu twebbsu qalbkom? *
Għax tħobbu l-frugħa u tfittxu l-gideb?
Kunu afu li l-Mulej wera tjieba kbira miegħi; *
jismagħni l-Mulej meta nsejjaħlu. 

Triegħdu bil-biża’, u la tidinbux; *
aħsbu f’qalbkom billejl, u isktu!
Offru s-sagrifiċċji li għandkom tagħmlu; *
u ttamaw fil-Mulej. 

Ħafna jgħidu: “Min jurina r-risq?” *
Ixħet fuqna, Mulej, id-dawl ta’ wiċċek.
Int nissilt l-hena f’qalbi, *
aktar mill-kotra tal-qamħ u l-inbid tagħhom.
Nimtedd u norqod minnufih fis-sliem, *
għax int waħdek, Mulej, fis-sod tqegħedni. 

Glorja. 

Ant. Ħenn għalija, Mulej, u isma’ talbi. 

Ant. Bierku l-Mulej fil-ljieli. 

 

Ara salmi oħra