Jien niġri fit-triq tal-kmandamenti tiegħek

 

Talb ta’ matul il-jum, illum il-Ġimgħa 30 ta’ Lulju.

Salmodija

Ant. 1: Jien niġri fit-triq tal-kmandamenti tiegħek, għax int saħħaħtli qalbi.

Salm 118 (119):25-32


Mixħuta fit-trab hi ruħi; *
aħjini int skond kelmtek.
Triqati wrejtek, u int weġibtni; *
għallimni l-kmandamenti tiegħek. 

Fehemni t-triq tal-preċetti tiegħek, *
biex naħseb fuq għeġubijietek.
Jiena nfnejt bin-niket, *
erfagħni int skond kelmtek. 

Biegħed minni triq il-gideb; *
agħtini fi tjubitek il-liġi tiegħek.
Jiena għażilt it-triq tas-sewwa; *
ħtart għalija d-digrieti tiegħek. 

Inżomm sħiħ mal-preċetti tiegħek; *
Mulej, tħallinix naqa’ fil-mistħija.
Jien niġri fit-triq tal-kmandamenti tiegħek, *
għax int saħħaħtli qalbi. 

Glorja.

Ant. 1: Jien niġri fit-triq tal-kmandamenti tiegħek, għax int saħħaħtli qalbi.

Ant. 2: Sħiħa fil-Mulej it-tama tiegħi

Kompli itlob billi żżur is-Salmi tal-ġurnata fuq https://brevjar.knisja.mt/

 

Ara salmi oħra