Ma jħalli qatt lil riġlek jogħtor

 

L-għasar, il-Ġimgħa 2 ta’ Mejju 2025

Salm 120 (121)

Il-Mulej iħares il-poplu
Ma jbatux aktar ġuħ, anqas għatx ma jagħmel bihom aktar; ix-xemx ma taħkimhomx, anqas ebda għomma. (Apok 7:16) 

Nerfa’ għajnejja lejn l-għoljiet; *
mnejn se tiġini l-għajnuna?
L-għajnuna tiegħi mingħand il-Mulej *
li għamel is-sema u l-art. 

Ma jħalli qatt lil riġlek jogħtor; *
ma jongħosx dak li jħarsek.
Ara, la jongħos u lanqas jorqod *
dak li jħares lil Iżrael. 

Il-Mulej hu dak li jħarsek, *
il-Mulej hu d-dell tiegħek fuq lemintek.
Ma tolqtokx ix-xemx binhar, *
anqas il-qamar billejl. 

Iħarsek il-Mulej minn kull deni, *
hu jħarislek ħajtek.
Il-Mulej iħarsek fil-ħruġ u d-dħul tiegħek, *
minn issa u għal dejjem. 

Glorja.

Ant. 2: Il-Mulej ħares il-poplu tiegħu bħal ħabba tal-għajn, hallelujah.

Ant. 3: Il-Mulej il-qawwa u l-foħrija tiegħi: hu sar għalija s-salvazzjoni, hallelujah.