Int bdilt fi żfin l-għali tiegħi

 

Talb ta’ nofs il-jum, il-Ħamis 9 ta’ April 2026

Salm 29 (30)

(II) 

Mela jien għidt fl-aħjar tiegħi; *
“Żgur li qatt ma niċċaqlaq!”
Mulej, bil-pjaċir tiegħek *
fuq muntanja qawwija qegħedtni;
imbagħad ħbejt wiċċek minni, *
u jien tħawwadt għalkollox.
Lilek sejjaħt, Mulej; *
lil Sidi tlabt il-ħniena. 

X’tieħu int jekk inkun mejjet, *
jekk jien ninżel fil-qabar?
Se jfaħħrek forsi t-trab? *
Se jxandar il-fedeltà tiegħek?I
smagħni, Mulej, u ħenn għalija; *
kun, Mulej, l-għajnuna tiegħi.
Int bdilt fi żfin l-għali tiegħi, *
neżżajtni min-niket, bil-ferħ ħażżimtni.
Għalhekk ruħi tgħannilek bla heda; *
Mulej, Alla tiegħi, infaħħrek għal dejjem! 

Glorja.

 

Ara salmi oħra