għax jien nemmen fil-kmandamenti tiegħek

 

Talb ta’ nofs il-jum, il-Ħamis 17 ta’ April 2025

Salm 118 (119):65-72

IX (Tet) 

Ġid għamilt mal-qaddej tiegħek, *
Mulej, skont il-kelma tiegħek.
Fehma tajba u għerf għallimni, *
għax jien nemmen fil-kmandamenti tiegħek. 

Qabel ma għakkistni, jien kont fl-iżball; *
imma issa nħares il-kelma tiegħek.
Twajjeb int, u l-ġid tagħmel; *
għallimni l-kmandamenti tiegħek. 

Jixluni l-kburin bil-gideb; *
imma jien b’qalbi kollha nħares il-preċetti tiegħek.
Smina bil-ħażen bħax-xaħam qalbhom; *
imma jien bil-liġi tiegħek nitgħaxxaq. 

Swieli ta’ ġid li għakkistni, *
għax tgħallimt il-kmandamenti tiegħek.
Aħjar għalija l-liġi ta’ fommok *
mill-eluf ta’ flejjes tad-deheb u l-fidda. 

Glorja.

 

Ara salmi oħra