
Kliem fommi u ħsieb qalbi
L-uffiċċju tal-qari, illum it-Tnejn 23 ta’ Awwissu.
Salmodija
Ant. 1: Il-liġi tal-Mulej tferraħ il-qalb u ddawwal l-għajnejn.
Salm 18B (19B)
Tifħir ’l Alla, Sid il-LiġiKunu perfetti, bħalma perfett
Missierkom tas-sema. (Mt 5,48)
Il-liġi tal-Mulej perfetta u tagħti l-ħajja; *
ix-xhieda tal-Mulej hi sewwa,
u tgħallem lil min ma jafx.
Il-Preċetti tal-Mulej dritti, u jferrħu l-qalb; *
il-kmandament tal-Mulej safi,
u jdawwal l-għajnejn.
Il-biża’ tal-Mulej sinċier, u jibqa’ għal dejjem; *
il-ġudizzji tal-Mulej sewwa, u mseddqa għalkollox.
Egħżeż mid-deheb, mid-deheb l-aktar fin, *
oħla mill-għasel u mill-qtar tax-xehda.
Fehemhom sewwa l-qaddej tiegħek; *
ħlas tajjeb għandu min iħarishom.
In-nuqqas min jista’ jagħrfu? *
Minn dak li ma nafx bih saffini.
U mill-kburija wkoll ħares lill-qaddej tiegħek, *
tħalliha qatt taħkimni.
Imbagħad inkun bla ħtija *
u ħieles minn dnub kbir.
Ħa jkunu milqugħa quddiemek †
kliem fommi u ħsieb qalbi, *
Mulej, blata tiegħi u feddej tiegħi.
Glorja.
Kompli itlob billi żżur is-Salmi tal-ġurnata fuq https://brevjar.knisja.mt/