Nidħlu ferħana
Fit-tempju tal-Mulej li stedinna,
Biex f’għaqda waħda,
Ninġabru ħdejn l-artal la hu sejħilna.

Rit:
Ġesù hu l-Mulej
U tagħna lkoll huwa l-Feddej,
U ma nħalluhx fit-tul jistenna.

Nidħlu ferħana,
Biex ngħixu ma’ Ġesù f’dawn il-mumenti
La hu tant ħabbna
Li tana b’wirt etern is-Sagramenti. Rit:

Nidħlu ferħana,
Sabiex niltaqgħu żgur ma’ Kristu Sidna
Għax se jilqagħna,
La miegħu magħqudin ilkoll iridna. Rit:

Missieri sejjaħtli,
Hawn jien, f’darek ġejt,
Imħabbtek biex tgħidli
Tiġbidni trid lejk.
Semmagħni tagħlimek fi triqti rrid.
Ir-rieda qawwili ħa nġorr is-salib.

Ġejt ngħanni ma’ ħuti
Fis-sewwa t-twemmin,
Ta’ Ibnek l-imħabba li feda l-bnedmin.
U nfaħħrek bla heda,
Hekk kif fil-Quddies,
F’kull siegħa ta’ ħajti:
Fix-xogħ’l fil-mistrieħ.

Din l-għanja hi talba
Imsieħba mal-frott,
Tal-qalb li hi niedma,
Tal-qalb li trid tħobb.
Mulej, Sid il-ħajja,
Int l-hena tal-qlub,
Nitolbok biex tbiegħed
Kull ħsara u kull dnub.

Rit:
Radd il-ħajr lilek nagħtu, o Mulej,
Li ssejħilna lkoll madwar l-artal,
Biex nistqarru il-misteru kbir tal-fidi
Li jgħaqqadna f’ġisem wieħed
Ma’ xulxin. x2

Miġburin hawn f’riġlejk
Ilkoll qalb waħda,
Biex infaħħruk b’ruħna safja
U nagħtuk ġieħ,
Qlubna ferħana flimkien
Jgħollu leħinhom,
Ħa jgħannulek mill-aktar għana ħlejju,
Jgħannulek kull tifħir. Rit:

Imxennqin u għatxana għal imħabbtek,
Għandek ġejna, ilqagħna niedma u safja,
Int il-Ħajja u fik biss it-tama tagħna,
Fik insibu l-mistrieħ u l-kenn tagħna,
Mir-rwiefen li jhedduna. Rit:

Int Mulej tagħti sens lil ħajjitna
U ħdejna tkun, magħna timxi tul it-triq,
Il-kelma tiegħek hi għajn
Li tnixxi l-ħajja,
Ħejjejthielna biex biha lkoll nitrejqu,
Bħal aħwa magħqudin. Rit:

Insebbħuk u nberkuk, o Alla tagħna,
Int ħanin u taħfrilna minn ħtijietna
Das-sagrifiċċju li sejrin noffrulek,
Flimkien m’Ibnek
Il-Vittma mingħajr tebgħa,
Jifdina u jqaddisna. Rit:

Magħqudin b’fehma waħda ngħajtulek,
O Mulej, nitolbuk, nagħtuk ġieħ;
Hawn f’riġlejn l-artal tiegħek iltqajna,
Biex noffrulek ix-xogħ’l w il-mistrieħ.

Kun is-sliem u l-għajnuna ta’ ruħna;
Biegħed minna kull ħsara, kull dnub;
Inwegħduk imħabbitna għal dejjem;
Fik tamitna: Int l-hena tal-qlub

Ftaħna t-toroq tagħna beraħ
u żejjinna djarna wkoll
Biex int terġa’ timxi fostna
U tagħrafna lkoll ilkoll.

Qtajna l-palm il-ġdid mill-ġonna
Ħa nsellmulek int w għaddej
Fommna nħall biex b’din l-Osanna
l-isbaħ merħba ntuk Mulej.

Rit:
Osanna, Osanna
Imbierek min ġej f’isem il-Mulej.
x2

Ibqa’ ħdejna biex il-baħar
Terġa’ ssikktu meta jqum.
Mexxi d-dgħajsa tqila tagħna
Lejn ix-xatt sa tmiem il-jum.

Erġa’ rodd is-saħħa ’l-morda
Erġa’ farraġ ’l-imnikktin
Erġa’ aħfer lill-midinba
Erġa’ qajjem lill-mejtin. Rit:

Idħol magħna ġewwa djarna
Aħdem magħna b’dawn l-idejn
Kul mill-mejda li ħejjejna
Qrqod magħna dan il-lejl.

Itla’ magħna l-għolja tqila
Aqa’ magħna tul it-triq
Egħreq magħna dan il-għaraq
Olfoq magħna dan l-ilfiq. Rit:

Itlob magħna t-talb imweġġa’
Ħoss ġo għadmek il-weġgħat
Nixxi magħna d-demm u l-ilma
Bati magħna t-tliet sigħat.

Għasses sewwa l-qabar tagħna
Sa ma r-raqda tagħna ddum
U qajjimna kif qomt inti
Maż-żerniq tat-tielet jum. Rit: