Tini lsien ħa nkantalek filgħodu
Tini lsien ħa nkantalek llum
Tini lsien ħalli nibqa’ nkantalek
Inkantalek sa għeluq il-jum.
Rit:
Kbir hu Alla, kbir hu Alla
Kbir hu Alla
Fuq kull m’hawn maħluq
Kbir hu Alla, kbir hu Alla
Kbir hu Alla fuq kulħadd.
Tini lsien ħalli nfaħħrek filgħodu
Tini lsien għal mal-lejl ukoll
Tini lsien ħa noffrilek kull ħaġa
Kull ma nagħmel
Waqt il-ħin tax-xogħol. Rit:
Tini lsien ħalli nqimek filgħodu
Tini lsien għal wara nofs inhar
Tini lsien ħalli nibqa’ nqimek
Sa ma jgħib dak il-ballun tan-nar. Rit:
Sebbħu lil Alla,
Għax setgħani u qaddis,
Għannu lill-Mulej ġnus kollha,
Għax hu ta’ mħabba.
Ismu kbir u qawwi,
Jisboq ta’ kull ħlejqa,
Alla tagħna twajjeb,
Lilu nagħtu qima.
Sebbħu lil Alla…
Ħallieq ta’ kollox
Lilek aħna niżżukħajr,
Lilek aħna b’ferħ infaħħru,
Għax int tal-ħniena.
Missier Alla tagħna,
Aħna lkoll uliedek,
Lilek aħna nweġġgħu,
Lilek nagħtu qima.
Ħallieq ta’ kollox…
Int saħħa tagħna,
Lilek aħna nagħrfu b’Sid,
Inti sejf u tarka tagħna,
Int għajn ta’ kull ġid.
Missier, ftakar fina,
Fik it-tama tagħna,
Lilek aħna nsejħu,
Biex int tieqaf magħna.
Int saħħa tagħna…
Qed jinfirex mal-widien
Leħen l-anġli tas-smewwiet
Għanja ħelwa rahan ta’ ferħ
Qiegħda tfawwar qalb l-għoljiet.
Rit:
Gloria in excelsis Deo x2
Ħallu l-għorfa tajjru n-ngħas
Rgħajja nġabru għall-aħbar
Aħbar tajba riesqa ’l hawn
Kollha ferħ bla qatra mrar. Rit:
Fostkom twieled il-Mulej
Is-sultan tas-sema u l-art
Twieled f’għar sid il-ħolqien
Fuq ftit tiben f’lejl ta’ bard. Rit:
Għaġġlu mela biex tarawh
Dak li xtaqu ż-żminijiet
Faħħruh magħna lkoll flimkien
Ġo dil-ħemda, ġo das-skiet. Rit:
Quddiem Alla bil-ferħ
Nidħol biex nirringrazzjah
Ħalli nfaħħru u nadurah
Irrid ngħid dan huwa l-jum
Illi għamel Ġesù
Ħa nifraħ għaliex f’qalbi tani l-ferħ.
Rit:
F’qalbi tani l-ferħ, f’qalbi tani l-ferħ
Ħa nifraħ għaliex f’qalbi tani l-ferħ. x2
I will enter his gates
With thanksgiving in my heart
I will enter his courts with praise
I will say this is the day
That the Lord has made
I will rejoice for he has made me glad.
Ref:
He has made me glad
He has made me glad
I will rejoice
For he has made me glad. x2
Reġa’ sebaħ, ja Mulejja,
Agħti tiegħek dan il-Jum:
Lejk nittajjar bil-ħsieb tiegħi
Kull filgħodu malli nqum.
Fix-xemx jiddi l-ġmiel ta’ wiċċek,
Inti ssebbaħ il-ħolqien;
Isellmulek l-art u s-sema
Kull filgħodu bl-ogħla lsien.
Rit:
Ja Mulejja niżżikħajr,
Għaliex int tal-ħajja s-Sid:
Fik is-setgħa, fik il-ħniena,
Int fawwara ta’ kull ġid.
F’dan il-lejl li għadda fuqi
Int ħaristni, Alla ħanin;
Int wennistni minn kull biżgħa,
Warrabt minni l-ħolm ħażin.
Bħal missier f’telfa ta’ mħabba
It-taħbit ta’ qalbi smajt;
Xħitt is-saħħa ġewwa sidri
Ma’ kull nifs li jiena tajt. Rit:
F’dan il-jum tħallix, Mulejja,
Li jitnissel f’qalbi d-dnub;
Inti taf li l-għadu tagħna
Għandu x-xbiek dejjem minsub.
Tini l-Omm tal-Iben tiegħek
Biex tħarisni mit-tiġrib,
U tgħallimni b’imħabbitha
Kif inħaddan is-salib. Rit:
Ġa kien wasal iż-żmien
Li jitwettqu l-wegħdiet
U kulħadd kien jistenna il-jum tal-Milied
Alla wiegħed Feddej
Li s-serp jisħaq bl-għarqub
Meta Adam ġewwa l-Eden
Tebbagħna bid-dnub.
Rit:
Noel, Noel, Noel, Noel
Twieled ir-Re ta’ Israel.
Bħal Iżakk kien offrut
Daqs Ġużeppi mibjugħ
Bħal Mosè mill-eżilju
Ġie jsalva kull ruħ.
U Danjeli b’ferħ kbir
Kien ħabbrilna l-jum
Iżaija: imnissel minn David ikun. Rit:
Kristu twieled biex jgħaqqad
Il-ġnus mifrudin
Iħabbibhom ma’ Alla
Jagħmilhom henjin.
Glorja ’l Alla kull ħin
Paċi fl-art lill-bnedmin
Ma’ Marija u Ġużeppi
Mal-ħbieb qaddisin. Rit:
U Mikea żied jgħid
“Ġewwa Betlem ikun”
Gabrijeli: “Saltnatu
Għal dejjem iddum”.
Isma’ Ġwanni l-Għammied
“Ħejju t-triq il-Mulej
Għaliex ġa qiegħed magħkom
L-Imwiegħed Feddej”. Rit:
Nidħlu ferħana
Fit-tempju tal-Mulej li stedinna,
Biex f’għaqda waħda,
Ninġabru ħdejn l-artal la hu sejħilna.
Rit:
Ġesù hu l-Mulej
U tagħna lkoll huwa l-Feddej,
U ma nħalluhx fit-tul jistenna.
Nidħlu ferħana,
Biex ngħixu ma’ Ġesù f’dawn il-mumenti
La hu tant ħabbna
Li tana b’wirt etern is-Sagramenti. Rit:
Nidħlu ferħana,
Sabiex niltaqgħu żgur ma’ Kristu Sidna
Għax se jilqagħna,
La miegħu magħqudin ilkoll iridna. Rit:
Ninġabru Nsara, bl-akbar ferħ u ħeġġa
Ħa mmorru, immorru sa Betlehem
Hemm iben Alla, f’għar naraw imwieled
Rit:
Ninxteħtu fl-art bil-qima x3
Nadurawh.
Lil Alla minn Alla dawl mid-dawl ta’ dejjem
Ġiebet ix-xbejba ta’ Nażaret
Dak tassew Alla, sid tal-art u s-sema Rit:
Għas-sejħa tal-anġli, Ir-rgħajja dlonk telqu
Ħa jżuru l-maxtura, fejn twieled Ġesù
U bl-akbar ħeġġa, immorru magħhom Rit:
Ir-rgħajja ferħana lejn l-għar marru jiġru
Jgħannu u jġorru r-rigali
Magħhom ningħaqdu noffru l-qlub tagħna Rit:
Nagħmel festa rrid,
Lill-Mulej mill-ġdid
U ngħannilu għanja ġdida. x2
Nagħtih tifħir
Għax huwa ħareġ rebbieħ bil-kbir. x2
